«ПСЖ» Чемпионлар лигаси умумий босқичи 1-турида «Слован»ни 6:1 ҳисобида мағлуб этган учрашувда рақибидан катта устунликка эга бўлди.

Луис Энрике шогирдлари рақиб дарвозаси томон 34 та зарба йўллади, шундан 13 таси дарвозага аниқ борди.

«Слован» эса Матвей Сафонов қўриқлаган дарвоза томон 9 марта зарба берди. Уларнинг 4 таси аниқ бўлди, биттаси эса гол билан якунланди.

Шунингдек, парижликлар тўпга 66 фоиз вақт эгалик қилди, «Слован»да бу кўрсаткич 34 фоизни ташкил этди.

«ПСЖ» учрашув давомида 736 та узатма амалга оширди, уларнинг 678 таси аниқ манзилга етди. Узатмалар аниқлиги 92 фоизни ташкил қилди.

«Слован» эса 285 та узатма берди, шундан 217 таси аниқ бўлди. Бу 76 фоизлик аниқлик демакдир.