«Nottingem Forest»ning hujumkor yarim himoyachisi Morgan Gibbs-Uayt yaqin transfer oynasida yuqoriroq darajadagi klubga o‘tishi mumkin.
Hooligan Soccer ma’lumotlariga ko‘ra, «Arsenal», «Chelsi» va «Manchester Siti» 26 yoshli angliyalik futbolchini o‘z safiga qo‘shib olishdan manfaatdor. Ta’kidlanishicha, «o‘rmonchilar» 70–80 million yevro miqdorida taklif tushsa, muzokaralarni boshlashga tayyor. Biroq klub transfer kelishuviga bonuslar va futbolchining keyingi sotuvidan ulush olish bandini ham kiritishni rejalashtirmoqda.
Joriy mavsumda Gibbs-Uayt Angliya Premyer-ligasida 3 ta uchrashuvda maydonga tushib, 1 ta gol urdi va 1 ta golli uzatma amalga oshirdi.
Yarim himoyachining «Nottingem Forest» bilan amaldagi shartnomasi 2028 yil iyun oyiga qadar mo‘ljallangan.
