«PSJ» hujumchisi Usman Dembele o‘tgan mavsumda «Arsenal»ga qarshi Chempionlar ligasi finalidagi g‘alaba haqida fikr bildirdi. Uchrashuv 1:1 hisobida yakunlanib, parijliklar penaltilar seriyasida 4:3 hisobida g‘alaba qozongan.
«Bu og‘ir final bo‘ldi. Biz «Arsenal» juda kuchli jamoa ekanini bilardik, ular umumiy bosqichda birinchi o‘rinni egallashgandi. So‘nggi yillarda ularga qarshi o‘ynash juda qiyin. Shuning uchun uchrashuv og‘ir kechishini tushungandik. Ammo Chempionlar ligasida g‘alabani nishonlash imkoniyatiga ega bo‘lish — ajoyib his. Bu har birimiz xotirasida bir umr qoladigan lahza», — dedi Dembele The Athletic nashriga.
Eslatib o‘tamiz, «PSJ» Chempionlar ligasida ikki mavsum ketma-ket g‘oliblikni qo‘lga kiritgan tarixdagi ikkinchi klub bo‘ldi.
«PSJ» joriy mavsumdagi Chempionlar ligasi ishtirokini «Slovan» ustidan yirik 6:1 hisobidagi g‘alaba bilan boshladi.
