"Atletiko" bosh murabbiyi Diyego Simeone La Liganing 5-turidan o‘rin olgan "Real Sosyedad"ga qarshi uchrashuv oldidan jamoasining hozirgi o‘yin darajasini baholadi.

Uchrashuv 13 sentyabr kuni San-Sebastyandagi "Reale Arena" stadionida bo‘lib o‘tadi. Ayni paytda "Atletiko" Ispaniya chempionati turnir jadvalida 8-o‘rinni egallab turibdi.

"Biz hali ko‘p jihatlar ustida ishlashimiz kerak. Shu bilan birga, jamoamiz ayrim ishlarni allaqachon juda yuqori darajada bajaryapti.

Ba’zi jihatlarni yaxshilashimiz kerak, chunki aynan shu kamchiliklar sabab mag‘lub bo‘lyapmiz. Darvozamiz daxlsizligini saqlash uchun himoyadagi o‘yinimizni kuchaytirishimiz zarur. Bu bizga yanada yaxshiroq bo‘lish imkonini beradi.

Hujumda esa deyarli har bir uchrashuvda gol uryapmiz. Jamoamiz ko‘p holatlarda hujumda tashabbusni o‘z qo‘liga oladi, ammo himoya ustida yana ishlashimiz kerak", — deya Simeonening so‘zlarini Marca keltirdi.