"Атлетико" бош мураббийи Диего Симеоне Ла Лиганинг 5-туридан ўрин олган "Реал Сосьедад"га қарши учрашув олдидан жамоасининг ҳозирги ўйин даражасини баҳолади.
Учрашув 13 сентябрь куни Сан-Себастьяндаги "Реале Арена" стадионида бўлиб ўтади. Айни пайтда "Атлетико" Испания чемпионати турнир жадвалида 8-ўринни эгаллаб турибди.
"Биз ҳали кўп жиҳатлар устида ишлашимиз керак. Шу билан бирга, жамоамиз айрим ишларни аллақачон жуда юқори даражада бажаряпти.
Баъзи жиҳатларни яхшилашимиз керак, чунки айнан шу камчиликлар сабаб мағлуб бўляпмиз. Дарвозамиз дахлсизлигини сақлаш учун ҳимоядаги ўйинимизни кучайтиришимиз зарур. Бу бизга янада яхшироқ бўлиш имконини беради.
Ҳужумда эса деярли ҳар бир учрашувда гол уряпмиз. Жамоамиз кўп ҳолатларда ҳужумда ташаббусни ўз қўлига олади, аммо ҳимоя устида яна ишлашимиз керак", — дея Симеоненинг сўзларини Marca келтирди.
