«Tottenxem» Angliya Premyer-ligasining dastlabki 4 turida 2 ochko to‘pladi va hali birorta ham gol ura olmadi. «Everton»ga qarshi 0:0 hisobidagi durangdan keyin jamoa bosh murabbiyi Roberto De Dzerbi vaziyatga izoh berdi.

«Bu og‘ir davr emas. Og‘ir davr bahorda, «Sanderlend» maydonida Premyer-ligada qolish uchun kurashayotgan paytimizda edi.

Hozirgi vaziyat normal emas, ammo futbolda bunday davrlar bo‘lib turadi. Ayniqsa, jamoani shakllantirish jarayonini kech boshlagan bo‘lsang.

Menimcha, dastlabki 30 daqiqada juda yaxshi o‘ynadik. Keyin esa energiyamiz pasaydi, chunki jismoniy holatimiz hali eng yaxshi darajada emas. Biz buning ustida ishlayapmiz.

Biz ko‘proq zarba berishimiz kerak. «Everton» jarima maydoniga 74 marta kirdik, ammo o‘yindagi ustunligimizni hisobda aks ettirish uchun yetarlicha xavfli vaziyat yarata olmadik.

Albatta, ishlashimiz kerak. Menimcha, yaxshi o‘ynadik, ammo ayrim vaziyatlarda noto‘g‘ri qarorlar qabul qildik. Endi ularni tahlil qilishimiz lozim», — dedi De Dzerbi Sky Sports efirida.

«Tottenxem» keyingi uchrashuvini 15 sentyabr kuni Liga kubogi doirasida «Liverpul»ga qarshi o‘tkazadi.