«Real» bosh murabbiyi Joze Mourinyo jamoasi namoyish etayotgan futbol uslubi haqida fikr bildirdi. Shanba kuni madridliklar o‘z maydonida «Rayo Valyekano»ni 4:1 hisobida mag‘lub etdi.

«Biz ko‘p gol uryapmiz, biroq shu bilan birga juda ko‘p vaziyatlarni ham yo‘qqa chiqaryapmiz. Hujumga o‘tganimizda juda shiddatli harakat qilamiz. Biz darvozaga zarba berishdan oldin o‘n daqiqa to‘pni nazorat qilib turadigan jamoalardan emasmiz.

Biz juda tez harakat qilamiz, tezlik qanchalik yuqori bo‘lsa, qaror qabul qilish ham shunchalik qiyinlashadi. Bir kuni buning uchun qaysidir jamoa jazosini oladi. Hamma zarbalarimiz golga aylanadigan kunda 6 yoki 7 ta gol uramiz», — deya Mourinyoning so‘zlarini Marca keltirdi.

«Real» La Liganing joriy mavsumida o‘tkazgan beshta uchrashuvida 12 ochko jamg‘ardi.