Federiko Dimarko «Inter» bilan kamida 2030 yilgacha mo‘ljallangan yangi shartnoma imzolashga yaqin turibdi. Bu haqda Gazzetta dello Sport nashri xabar berdi.
Manbaga ko‘ra, «Inter» sport direktori Dario Bachchin yaqin kunlarda Dimarkoning agenti bilan uchrashib, yangi kelishuv shartlarini muhokama qilishi kutilmoqda.
Ayni paytda Dimarko bir mavsum uchun taxminan 4 million yevro maosh oladi. Yangi shartnoma bo‘yicha muzokaralarda futbolchining maoshi asosiy masalalardan biri bo‘lishi mumkin.
Avvalroq «Barselona» vakillari 2027 yilda ehtimoliy transfer masalasida Dimarko bilan Milanda muzokara o‘tkazgani xabar qilingan edi.
Himoyachining «Inter» bilan amaldagi shartnomasi kelasi yozda o‘z nihoyasiga yetadi.
