Федерико Димарко «Интер» билан камида 2030 йилгача мўлжалланган янги шартнома имзолашга яқин турибди. Бу ҳақда Gazzetta dello Sport нашри хабар берди.
Манбага кўра, «Интер» спорт директори Дарио Баччин яқин кунларда Димарконинг агенти билан учрашиб, янги келишув шартларини муҳокама қилиши кутилмоқда.
Айни пайтда Димарко бир мавсум учун тахминан 4 миллион евро маош олади. Янги шартнома бўйича музокараларда футболчининг маоши асосий масалалардан бири бўлиши мумкин.
Аввалроқ «Барселона» вакиллари 2027 йилда эҳтимолий трансфер масаласида Димарко билан Миланда музокара ўтказгани хабар қилинган эди.
Ҳимоячининг «Интер» билан амалдаги шартномаси келаси ёзда ўз ниҳоясига етади.
