Germaniya Bundesligasida 2026/2027 yilgi mavsumning birinchi murabbiy iste’fosi amalga oshdi. Myonxengladbaxning «Borussiya» klubi Oygen Polanski jamoa bosh murabbiyi lavozimini tark etganini rasman ma’lum qildi.
Polanski «Frayburg»ga qarshi safar uchrashuvida 0:5 hisobidagi mag‘lubiyatdan keyingi kuni lavozimidan ozod etildi. Ayni paytda «jerebyatalar» Bundesliga turnir jadvalida so‘nggi o‘rinda bormoqda — jamoa hisobida birorta ham ochko yo‘q.
Oygen Polanski «Borussiya» bosh murabbiyi etib o‘tgan yilning noyabr oyida tayinlangan edi. Unga qadar Polanski jamoa bosh murabbiyi vazifasini vaqtincha bajargan. Bundan oldin esa klubning yoshlar va o‘smirlar jamoalarida murabbiylik qilgan.
Myonxengladbaxning «Borussiya»si navbatdagi uchrashuvini 19 sentyabr kuni o‘z maydonida «Mayns»ga qarshi o‘tkazadi.
