"PSJ" darvozaboni Matvey Safonov Liga 1ning 4-turida "Brest"ga qarshi o‘yinda jamoasining asosiy qahramonlaridan biri bo‘ldi. Parijliklar uchrashuvda 1:0 hisobida g‘alaba qozondi.
Bahsdagi yagona gol 5-daqiqada urildi — Ferran Torres raqib darvozasini ishg‘ol qildi.
Mezbonlar uchrashuv davomida hisobni tenglashtirish uchun bir necha bor imkoniyatga ega bo‘ldi, ammo Safonov darvoza tomon yo‘llangan barcha 5 ta aniq zarbani qaytardi.
"Brest"ga qarshi safarda o‘ynash har doim qiyin. Ular hujumda xavfli va ko‘plab vaziyatlar yaratadi.
Bugun vazifani uddalab, gol o‘tkazmaganimizdan juda xursandman. Darvozani daxlsiz saqlash muhim edi. Bu mavsumdagi ilk "quruq" o‘yinimiz. Umid qilamanki, shu ruhda davom etamiz", — dedi Safonov PSGTV bilan suhbatda.
Luis Enrike jamoasi shu tariqa joriy Liga 1 mavsumidagi ilk g‘alabasini qo‘lga kiritdi.
"PSJ" 4 turdan keyin 5 ochko jamg‘argan.
