"PSJ" darvozaboni Matvey Safonov jamoaning mavsumni muvaffaqiyatsiz boshlaganiga qaramay, o‘ziga bo‘lgan ishonchini yo‘qotmaganini bildirdi.
Parijliklar Liga 1ning 4-turida safarda "Brest"ni 1:0 hisobida mag‘lub etib, joriy chempionatdagi ilk g‘alabasini qo‘lga kiritdi.
"Shubha nima? Bilmayman. Tanqidmi? Bu haqda siz menga aytyapsiz. Men bunday gaplarni kuzatmayman", — dedi Safonov.
Rossiyalik darvozabon, shuningdek, futbolda har bir uchrashuv turlicha kechishini ta’kidladi. Uning fikricha, ba’zan raqibning darvoza tomon yo‘llagan deyarli har bir aniq zarbasi golga aylanib ketishi ham mumkin.
Ushbu g‘alabadan so‘ng "PSJ" ochkolari sonini 5 taga yetkazdi va turnir jadvalida 13-o‘rindan 8-pog‘onaga ko‘tarildi.
