«Manchester Yunayted» himoyachisi Lisandro Martines «Manchester Siti»ga qarshi derbi taqdirini hal qilgan gol bo‘yicha o‘z fikrini bildirdi. Angliya chempionatining 4-turidan o‘rin olgan uchrashuv 0:1 hisobida yakunlandi.
«Menimcha, Fernandes ofsaydda edi. Bu qoidalarni tushuna olmayapman. U o‘sha yerda edi! Men unga qarab harakatlandim, chunki u to‘g‘rimda turgandi. Shu sababli Xoland orqada bo‘sh qoldi», — deya Martinesning so‘zlarini Sky Sports keltirdi.
«Xotirjam qolishga harakat qilyapman, ammo bu juda qiyin. Har mavsum hakamlar klubimizga kelib, bir soat davomida qoidalarni tushuntirishadi va bunda juda ishonchli ko‘rinishadi... Keyin esa APL o‘yinida 5-6 nafar rasmiy shaxs shunday xatoga yo‘l qo‘yadi. Buni qabul qilib bo‘lmaydi.
Biz bu adolatsizlik bilan murosa qilishimizga to‘g‘ri keladi».
«Manchester Yunayted» 4 ochko bilan turnir jadvalida 13-o‘rinni egallab turibdi.
