«Bavariya» hujumchisi Xarri Keyn mavsumni odatdagidek sermahsul boshlay olmadi.

Angliyalik futbolchi Bundesliganing 3-turida «Elversberg»ga qarshi o‘tgan uchrashuvda 72-daqiqada g‘alaba golini urdi. «Bavariya» 2:1 hisobida zafar quchgan ushbu bahsdagi gol 33 yoshli hujumchi uchun joriy Germaniya chempionatidagi ilk gol bo‘ldi.

«Bu futbol. Ba’zida golni istaganingdan ko‘ra uzoqroq kutishga to‘g‘ri keladi. Gol urib, jamoaga uch ochko olishda yordam berganimdan xursandman. Bu yerda o‘ynash oson emas, shuning uchun natijadan mamnunmiz.

Zaxiradan maydonga tushayotgan futbolchilar bor kuchini berishi va jamoaga qo‘shimcha energiya olib kirishi muhim. Bugun aynan shunday bo‘ldi. Biz yana ko‘proq gol urishimiz mumkin edi, ammo g‘alaba — baribir g‘alaba. Mavsum endi boshlandi va, ehtimol, hali optimal formaga kirganimiz yo‘q», — dedi Keyn DAZN nashriga bergan intervyusida.

«Bavariya» Bundesliganing uch turidan so‘ng 7 ochko jamg‘argan.