«Бавария» ҳужумчиси Харри Кейн мавсумни одатдагидек сермаҳсул бошлай олмади.

Англиялик футболчи Бундеслиганинг 3-турида «Эльверсберг»га қарши ўтган учрашувда 72-дақиқада ғалаба голини урди. «Бавария» 2:1 ҳисобида зафар қучган ушбу баҳсдаги гол 33 ёшли ҳужумчи учун жорий Германия чемпионатидаги илк гол бўлди.

«Бу футбол. Баъзида голни истаганингдан кўра узоқроқ кутишга тўғри келади. Гол уриб, жамоага уч очко олишда ёрдам берганимдан хурсандман. Бу ерда ўйнаш осон эмас, шунинг учун натижадан мамнунмиз.

Захирадан майдонга тушаётган футболчилар бор кучини бериши ва жамоага қўшимча энергия олиб кириши муҳим. Бугун айнан шундай бўлди. Биз яна кўпроқ гол уришимиз мумкин эди, аммо ғалаба — барибир ғалаба. Мавсум энди бошланди ва, эҳтимол, ҳали оптимал формага кирганимиз йўқ», — деди Кейн DAZN нашрига берган интервьюсида.

«Бавария» Бундеслиганинг уч туридан сўнг 7 очко жамғарган.