«Barselona» bosh murabbiyi Xans-Diter Flik Ispaniya chempionatining 5-turida «Levante» ustidan 4:2 hisobida qozonilgan g‘alabadan so‘ng uchrashuv haqida fikr bildirdi.
«O‘yinning boshlanishi biz uchun eng yaxshi qismi bo‘ldi. Bu uchrashuv oson kechmasligini oldindan bilardik. Maydon biroz quruq edi, ammo bu bahona bo‘la olmaydi. Yakunda ochkolarni qo‘lga kiritdik, lekin baribir aybni o‘z zimmamga olaman. Almashtirishlar qilish uchun navbatdagi suv ichish tanaffusini kutmoqchi edim. Balki ularni ertaroq amalga oshirishim kerak edi», — deya Flikning so‘zlarini Marca keltirdi.
«Agar biz 100 foiz tayyor bo‘lmasak, mana shunday holatlar yuz beradi. Ular o‘z maydonidagi so‘nggi sakkizta o‘yinning barchasida g‘alaba qozongan. Bu xotirjamlikka berilish masalasi emas. Ularning qarshi hujumlari, tezligi... Biz bu bosimga dosh bera oldik».
«Barselona» hisobida 15 ochko bor va jamoa La Liga turnir jadvalida birinchi o‘rinni egallab turibdi.
