«Manchester Siti» himoyachisi Rayan Ait-Nuri «Manchester Yunayted» qiziqishlari doirasida bo‘lgan. Bu haqda insayder Ekrem Konur ijtimoiy tarmoqlarda xabar berdi.

Manba ma’lumotiga ko‘ra, «qizil iblislar» yozgi transfer oynasi yopilishi arafasida futbolchining ehtimoliy transferi bo‘yicha «Manchester Siti»ga murojaat qilgan.

Biroq «MYU»ning so‘rovi tezda rad etilgan. «Manchester Siti» futbolchisini prinsipial raqibiga berishni istamagan.

25 yoshli jazoirlik himoyachi o‘tgan yil yozida «Manchester Siti» safiga qo‘shilgan. Uning klub bilan amaldagi shartnomasi 2030 yil iyun oyi oxiriga qadar mo‘ljallangan.

Ait-Nurining bozor qiymati 40 million yevroga baholanmoqda.