Myunxenning «Bavariya» klubi o‘z saytida Germaniyaning adidas sport brendi tomonidan tayyorlangan, 2026 yilgi Oktoberfestga bag‘ishlangan yangi forma to‘plamini taqdim qildi.
«Myunxenda Oktoberfest boshlanib, an’analar hayotsevarlik va futbol ruhi bilan uyg‘unlashganda, “Bavariya”ning yangi futbolkasi vaqti keladi! Klubimiz bu yil ham adidas bilan birlashib, Oktoberfestning o‘ziga xos muhitini maydonga olib chiqmoqda. Yangi futbolka an’anaviy myunxencha uslubni zamonaviy va ishonchli dizayn bilan uyg‘unlashtirib, bu davrni o‘ziga xos qiladigan barcha jihatlarni — hayotsevarlik, hamjihatlik va xilma-xillikni ifodalaydi.
/i/y/t/1789385929827105204.png)
Rang-barang gulli naqsh an’anaviy gul motivlarining zamonaviy talqini hisoblanadi. Turli yorqin ranglar rang-barang va xilma-xil jihatlarni aks ettirib, har yili Oktoberfest davrida Myunxenga xos bo‘lgan o‘ziga xos muhitni ifodalaydi», — deyiladi «Bavariya» saytida.
Qayd etilishicha, myunxenliklar yaqindagi o‘yinini aynan shu formada o‘tkazadi.
