«Barselona» va Ispaniya terma jamoasi vingeri Lamin Yamal JCH-2026dagi ishtiroki uni qoniqtirmaganini tan oldi.

«Jahon chempionatida g‘alaba qozonganimizdan keyin ham xursand emasdim. Ha, jarohat oldim, ammo bu asosiy muammo emasdi. Agar jahon chempionatini qayta o‘tkazish imkoni bo‘lganida, jarohat olmagan holda ham xuddi shu darajada o‘ynagan bo‘lardim, deb ishonaman.

Men odamlar ko‘rmagan ko‘plab ishlarni qildim. Masalan, menimcha, murabbiy uchun tarkibida bir vaqtning o‘zida uch nafar futbolchiga ta’sir o‘tkaza oladigan futbolchining bo‘lishi juda yaxshi. Ammo o‘z o‘yinimdan qoniqmadim, chunki bilaman: xuddi shu darajadagi boshqa bir futbolchi jahon chempionatini ajoyib o‘tkazgan bo‘lardi. Men esa shaxsan bundan ham ko‘proq ish qila olishim mumkin edi.

Jamoaga yordam berdim, ammo keyingi turnirni intiqlik bilan kutyapman», — dedi Yamal Movistar Plus+ telekanaliga bergan intervyusida.