«Komo» bosh murabbiyi Sesk Fabregas Italiya chempionatining 4-turida «Parma» ustidan qozonilgan 2:1 hisobidagi g‘alabani sharhladi.

«Bir nechta futbolchi juda charchadi, biz almashtirishlar amalga oshirdik va maydonga tushgan futbolchilarning o‘yini menga yoqdi. Bu jamoaning muhim javobi bo‘ldi, chunki bu men barcha futbolchilarga ishonishim mumkinligini anglatadi. O‘yinimizdan juda mamnunman. Murabbiy sifatida men uchun bu muhim g‘alaba, chunki qanday jamoaga aylanishimiz mumkinligini tushuna boshlayapman.

Bu mavsumda ko‘plab yangi holatlarni hisobga olishimizga to‘g‘ri kelmoqda. Darvozaga 31 marta zarba berib, faqat bitta gol urganimizda, raqiblar himoyani kuchaytirish uchun nimanidir o‘zgartirishi va biz gol o‘tkazib yuborish xavfi paydo bo‘lishi aniq. Oxir-oqibat aynan shunday bo‘ldi», — deya Fabregasning so‘zlarini Football Italia keltirmoqda.

Ushbu uchrashuvdan so‘ng «Komo» 10 ochko bilan ikkinchi o‘rinda bormoqda. Uni «Udineze» ustidan 4:2 hisobida g‘alaba qozonayotgan «Inter» ortda qoldirishi mumkin.