Madridning «Real» klubi yarim himoyachisi Bernardu Silva La Liga va Angliya Premyer-ligasi o‘rtasidagi farqlar haqida gapirdi.

Portugaliyalik futbolchi o‘tgan yozda «qirollik klubi» safiga ko‘chib o‘tdi. Bunga qadar u to‘qqiz yil davomida «Manchester Siti» sharafini himoya qilgan.

«La Liga ayrim jihatlarda Premyer-ligadan farq qiladi. Ispaniyada barcha jamoalar pressing qilishga va hujumlarni paslar orqali qurishga harakat qiladi. Bu yerda jismoniy kurashlar kamroq, ammo Ispaniya chempionati juda yaxshi», — deya 32 yoshli yarim himoyachining so‘zlarini Madrid Universal keltirmoqda.

Bernardu Silva Joze Mourinyo boshqarayotgan jamoa safida 5 ta uchrashuvda maydonga tushdi. Futbolchining «Real» bilan shartnomasi 2028 yilga qadar amal qiladi.