Angliya chempionatining 4-turida «Lids» yirik hisobda «Nyukasl»ni mag‘lub etdi. Biroq jamoa bosh murabbiyi Daniel Farke o‘tkazib yuborilgan goldan norozi bo‘ldi — uning fikricha, bu golni o‘tkazmaslik mumkin edi.

«Biz raqibga gol urish imkonini berdik, ammo bu jamoamizning xizmatlarini aslo kamaytirmaydi. Yigitlarim ajoyib o‘yin ko‘rsatishdi, boshlanish ideal bo‘ldi. Hatto mukammal o‘yinda ham norozi bo‘lish uchun sabab topiladi. Bu, shubhasiz, jamoani tanqid qilishim kerak bo‘lgan kamdan-kam holatlardan biri», — deya Farkening so‘zlarini BBC Sport keltirmoqda.

G‘alabadan so‘ng «Lids» APL turnir jadvalida uchinchi o‘ringa ko‘tarildi.