«Roma» hujumchisi Doniell Malen 2026/27 yilgi mavsum boshida yuqori sermahsullik namoyish etmoqda.

Niderlandiya terma jamoasining 27 yoshli futbolchisi A Seriya 4-turidan o‘rin olgan «Torino»ga qarshi uchrashuvda hisobni ochdi.

Shu tariqa, Malenning joriy mavsumdagi gollari soni 6 taga yetdi. U 4 ta uchrashuvdan so‘ng ayni paytda Italiya chempionatining eng yaxshi to‘purari bo‘lib turibdi.

Malen 1-turda «Fiorentina»ga qarshi 4:0 hisobida yakunlangan bahsda xet-trik qayd etgan, «Lechche»ga qarshi 4:0 hisobidagi o‘yinda esa dubl muallifi bo‘lgan. «Atalanta»ga qarshi 2:1 hisobidagi uchrashuvda u gol ura olmagan.

Shuningdek, Malen «Roma» tarixida Italiya chempionatining mavsumdagi dastlabki to‘rt o‘yinida kamida 6 ta gol urgan uchinchi futbolchiga aylandi.

Avval bu natijaga Pedro Manfredini va Franchesko Totti erishgan. Manfredini 1960/61 yilgi mavsum startida 7 ta, Totti esa 2001/02 yilgi mavsumning ilk to‘rt bahsida 6 ta gol urgan.