«Рома» ҳужумчиси Дониэлл Мален 2026/27 йилги мавсум бошида юқори сермаҳсуллик намойиш этмоқда.
Нидерландия терма жамоасининг 27 ёшли футболчиси А Серия 4-туридан ўрин олган «Торино»га қарши учрашувда ҳисобни очди.
Шу тариқа, Маленнинг жорий мавсумдаги голлари сони 6 тага етди. У 4 та учрашувдан сўнг айни пайтда Италия чемпионатининг энг яхши тўпурари бўлиб турибди.
Мален 1-турда «Фиорентина»га қарши 4:0 ҳисобида якунланган баҳсда хет-трик қайд этган, «Лечче»га қарши 4:0 ҳисобидаги ўйинда эса дубль муаллифи бўлган. «Аталанта»га қарши 2:1 ҳисобидаги учрашувда у гол ура олмаган.
Шунингдек, Мален «Рома» тарихида Италия чемпионатининг мавсумдаги дастлабки тўрт ўйинида камида 6 та гол урган учинчи футболчига айланди.
Аввал бу натижага Педро Манфредини ва Франческо Тотти эришган. Манфредини 1960/61 йилги мавсум стартида 7 та, Тотти эса 2001/02 йилги мавсумнинг илк тўрт баҳсида 6 та гол урган.
