"Elche" himoyachisi Viktor Chust Ispaniya chempionatining 6-turida "Real"dan 2:3 hisobidagi mag‘lubiyatdan so‘ng jamoasining o‘yini haqida fikr bildirdi.
"Biz ikkinchi bo‘limdagi o‘yinimizni asos qilib olishimiz kerak. Bunday hisobda ehtiyotkorroq harakat qilishimiz lozim edi. "Real" o‘z imkoniyatlaridan foydalandi va bu, albatta, yoqimsiz taassurot qoldiradi.
Bunday kuchli jamoalar hisobda oldinga chiqqach, odatda sur’atni pasaytiradi. Biz esa ikkinchi bo‘limlarda yaxshi o‘ynaymiz. Aynan shu yo‘nalishda davom etishimiz kerak.
Biz yaxshi o‘yinlar o‘tkazyapmiz, ammo natijalar yetishmayapti. Hozir hammasini keskin o‘zgartirish xato bo‘ladi.
"Real" hujumga tobora ko‘proq futbolchi tashlay boshladi. Oxirida ularning qanchasi oldinda harakat qilayotganini ham bilmay qoldim.
"Elche" hozir omadsiz davrni boshdan kechirmoqda, ammo so‘nggi ikki uchrashuvni yaxshi o‘tkazdik. Ba’zida mag‘lubiyatlar insonga ko‘proq saboq beradi", — deya Chustning so‘zlarini keltiradi Marca.
