"Эльче" ҳимоячиси Виктор Чуст Испания чемпионатининг 6-турида "Реал"дан 2:3 ҳисобидаги мағлубиятдан сўнг жамоасининг ўйини ҳақида фикр билдирди.

"Биз иккинчи бўлимдаги ўйинимизни асос қилиб олишимиз керак. Бундай ҳисобда эҳтиёткорроқ ҳаракат қилишимиз лозим эди. "Реал" ўз имкониятларидан фойдаланди ва бу, албатта, ёқимсиз таассурот қолдиради.

Бундай кучли жамоалар ҳисобда олдинга чиққач, одатда суръатни пасайтиради. Биз эса иккинчи бўлимларда яхши ўйнаймиз. Айнан шу йўналишда давом этишимиз керак.

Биз яхши ўйинлар ўтказяпмиз, аммо натижалар етишмаяпти. Ҳозир ҳаммасини кескин ўзгартириш хато бўлади.

"Реал" ҳужумга тобора кўпроқ футболчи ташлай бошлади. Охирида уларнинг қанчаси олдинда ҳаракат қилаётганини ҳам билмай қолдим.

"Эльче" ҳозир омадсиз даврни бошдан кечирмоқда, аммо сўнгги икки учрашувни яхши ўтказдик. Баъзида мағлубиятлар инсонга кўпроқ сабоқ беради", — дея Чустнинг сўзларини келтиради Marca.