«Milan»ning yangi futbolchisi Gonsalu Ramush klubning sobiq hujumchisi Zlatan Ibragimovich bilan uchrashuvi haqida gapirdi. Ayni paytda shvesiyalik afsona «Milan» tuzilmasida faoliyat olib bormoqda.
«Zlatandan hech qanday alohida ko‘rsatma olmadim. Biz yaxshi suhbatlashdik, u meni jamoaga xush kelibsan, deb kutib oldi. Shunday afsonaga istalgan payt murojaat qilib, undan yordam olish imkoniyati borligi meni xursand qiladi», — deya Ramushning so‘zlarini Football Italia keltirdi.
25 yoshli portugaliyalik hujumchi o‘tgan yozda «PSJ»dan «Milan»ga ko‘chib o‘tgan. Transfer qiymati 74 million yevroni tashkil etgan.
Ramush «rossonerilar» bilan 2031 yil iyun oyi oxiriga qadar mo‘ljallangan uzoq muddatli shartnoma imzolagan.
