«Милан»нинг янги футболчиси Гонсалу Рамуш клубнинг собиқ ҳужумчиси Златан Ибрагимович билан учрашуви ҳақида гапирди. Айни пайтда швециялик афсона «Милан» тузилмасида фаолият олиб бормоқда.
«Златандан ҳеч қандай алоҳида кўрсатма олмадим. Биз яхши суҳбатлашдик, у мени жамоага хуш келибсан, деб кутиб олди. Шундай афсонага исталган пайт мурожаат қилиб, ундан ёрдам олиш имконияти борлиги мени хурсанд қилади», — дея Рамушнинг сўзларини Football Italia келтирди.
25 ёшли португалиялик ҳужумчи ўтган ёзда «ПСЖ»дан «Милан»га кўчиб ўтган. Трансфер қиймати 74 миллион еврони ташкил этган.
Рамуш «россонерилар» билан 2031 йил июнь ойи охирига қадар мўлжалланган узоқ муддатли шартнома имзолаган.
