«Chelsi» «Brentford»ga qarshi London derbisi oldidan tarkib bilan bog‘liq muammolarga duch keldi.

Seshanba kuni Kobhemda o‘tkazilgan mashg‘ulotda jamoaning uch muhim futbolchisi — Joao Pedro, Ris Jeyms va Moyses Kaysedo ishtirok etmadi.

Ayniqsa, Joao Pedroning mashg‘ulotni o‘tkazib yuborgani xavotir uyg‘otmoqda. U joriy mavsumda 5 ta o‘yinda 3 ta gol urdi va 3 ta golli uzatmani amalga oshirdi.

«Chelsi» bosh murabbiyi Xabi Alonso avvalroq Kaysedoni maydonga qaytarishda ehtiyotkorlik bilan ish tutayotganini aytgan edi. Yarim himoyachi takrorlanayotgan salomatlik muammolari sabab bu mavsum hali birorta o‘yinni to‘liq o‘tkazmadi.

«Biz u bilan tavakkal qiladigan holatda emasmiz. Hozircha yo‘q», — degan edi Alonso o‘tgan hafta.