«Челси» «Брентфорд»га қарши Лондон дербиси олдидан таркиб билан боғлиқ муаммоларга дуч келди.

Сешанба куни Кобҳэмда ўтказилган машғулотда жамоанинг уч муҳим футболчиси — Жоао Педро, Рис Жеймс ва Мойсес Кайседо иштирок этмади.

Айниқса, Жоао Педронинг машғулотни ўтказиб юборгани хавотир уйғотмоқда. У жорий мавсумда 5 та ўйинда 3 та гол урди ва 3 та голли узатмани амалга оширди.

«Челси» бош мураббийи Хаби Алонсо аввалроқ Кайседони майдонга қайтаришда эҳтиёткорлик билан иш тутаётганини айтган эди. Ярим ҳимоячи такрорланаётган саломатлик муаммолари сабаб бу мавсум ҳали бирорта ўйинни тўлиқ ўтказмади.

«Биз у билан таваккал қиладиган ҳолатда эмасмиз. Ҳозирча йўқ», — деган эди Алонсо ўтган ҳафта.