«Real» futbolchisi Trent Aleksander-Arnold Formula-1ning «Alpine» jamoasiga kiritgan investisiyalaridan katta moliyaviy foyda olishi mumkin. Trent 2023 yilda investisiya kiritgan Otro Capital konsorsiumi uchun uch yillik aksiyalarni sotish cheklovi muddati tugadi. Bu ulushni sotish imkoniyatini ochdi.

2023 yilda Otro Capital jamoaning 24 foiz aksiyasini 173,2 million funtga sotib olgan. Endi konsorsium potensial xaridorlar bilan muzokara olib bormoqda va investisiyadan uch barobar foyda olishni ko‘zlamoqda. Avvalroq «Mercedes» muzokaralarni to‘xtatgan va so‘ralayotgan 606,3 million funtlik narxni haddan tashqari yuqori deb hisoblagan. Shuningdek, «Red Bull»ning sobiq rahbari Kristian Xorner bilan bog‘liq guruh ham qiziqish bildirmoqda.

Formula-1 muxlisi bo‘lgan Trent avvalroq loyihadagi ishtiroki haqida shunday degan:

«Tayler aka-ukam bilan birga Otro Capital guruhiga «Alpine» investori sifatida qo‘shilganimdan xursandman. Menga paddok muhiti yoqadi va «Alpine» jamoasi qanchalik ta’sirli ekanini o‘z ko‘zim bilan ko‘rdim».