«Bavariya» sport direktori Kristof Froynd klub bilan shartnomasini uzaytirdi. Bu haqda myunxenliklar rasmiy sayti xabar berdi.
Yangi kelishuv 2029 yil 30 iyunga qadar mo‘ljallangan. Shartnomaning moliyaviy tafsilotlari oshkor qilinmadi.
«Bavariya»ning rivojiga bundan keyin ham o‘z hissamni qo‘sha olishimdan juda xursandman. «Bavariya» — dunyoning eng yirik klublaridan biri. Bu yerda ish boshlaganimdan buyon ushbu lavozim men uchun qalb ishiga aylandi.
Biz birgalikda qiziqarli yo‘lni boshladik va oldimizda hali erishishni istagan ko‘plab maqsadlar bor. Bu yerda birgalikda ishlash nihoyatda ruhlantiradi. «Bavariya»ni muxlislarimiz va barchamiz ko‘rishni istaydigan joyda — eng yuqori cho‘qqida saqlab qolish uchun yangi g‘oyalar va tashabbuslar bilan ishlashda davom etamiz», — dedi Froynd.
49 yoshli avstriyalik mutaxassis «Bavariya»ga 2023 yil yozida kelib qo‘shilgan. U bunga qadar «Zalsburg» klubida faoliyat yuritgan.
