La Liga tarixida o‘zi to‘qnash kelgan barcha jamoalar darvozasini ishg‘ol qilishga muvaffaq bo‘lgan futbolchilar ro‘yxati e’tiborga molik ko‘rinish olgan.
Ushbu ko‘rsatkich bo‘yicha Karim Benzema yetakchi — fransuz hujumchisi Ispaniya chempionatida to‘qnash kelgan 35 ta raqibning barchasiga gol urgan.
Undan keyin Ugo Sanches 33 ta, Luis Suares va Luis Aragones esa 31 tadan raqib darvozasini ishg‘ol qilgan.
Kilian Mbappe ham hozircha La Ligada o‘zi to‘qnash kelgan 23 ta jamoaning barchasiga gol urishga erishgan.
Qizig‘i, Lionel Messi bu ko‘rsatkichni qayd eta olmagan — u "Real Mursiya" va "Xeres" darvozasini ishg‘ol qilmagan. Krishtianu Ronaldu esa La Ligada to‘qnash kelgan jamoalar orasida faqat "Leganes"ga gol ura olmagan.
