Ла Лига тарихида ўзи тўқнаш келган барча жамоалар дарвозасини ишғол қилишга муваффақ бўлган футболчилар рўйхати эътиборга молик кўриниш олган.

Ушбу кўрсаткич бўйича Карим Бензема етакчи — француз ҳужумчиси Испания чемпионатида тўқнаш келган 35 та рақибнинг барчасига гол урган.

Ундан кейин Уго Санчес 33 та, Луис Суарес ва Луис Арагонес эса 31 тадан рақиб дарвозасини ишғол қилган.

Килиан Мбаппе ҳам ҳозирча Ла Лигада ўзи тўқнаш келган 23 та жамоанинг барчасига гол уришга эришган.

Қизиғи, Лионель Месси бу кўрсаткични қайд эта олмаган — у "Реал Мурсия" ва "Херес" дарвозасини ишғол қилмаган. Криштиану Роналду эса Ла Лигада тўқнаш келган жамоалар орасида фақат "Леганес"га гол ура олмаган.