«Manchester Yunayted» chorshanba kuni kechqurun yana o‘z muxlislarini xafa qildi. Jamoa «Brayton» darvozasiga ikkita tezkor gol urdi, ammo yakunda o‘z maydoni — «Old Trafford»da 2:3 hisobida mag‘lub bo‘lib, Angliya Liga kubogidan chiqib ketdi.
Angliya Premyer-ligasida ham «Manchester Yunayted»ning ishlari yaxshi ketayotgani yo‘q — jamoa to‘rt turdan keyin jadvalda 13-o‘rinni egallab turibdi.
Mavsumni omadsiz boshlaganiga qaramay, Maykl Karrik hozircha bosh murabbiylik lavozimidan ishdan bo‘shatilish xavfi ostida emas.
«Ayni paytda “Manchester Yunayted” rahbariyati Karrikka bo‘lgan ishonchini yo‘qotayotganini taxmin qilish uchun hech qanday asos yo‘q», — deya BBC xabar berdi.
«Manchester Yunayted»da futbolchilar ham individual, ham jamoaviy tarzda o‘z o‘yinini yaxshilashi kerak, deb hisoblashmoqda.
«Manchester Yunayted» navbatdagi o‘yinini 20 sentyabr kuni Londonda «Fulxem»ga qarshi o‘tkazadi.
