Angliya terma jamoasi Ispaniya, Chexiya va Xorvatiyaga qarshi bo‘lib o‘tadigan navbatdagi xalqaro uchrashuvlar uchun tarkibini rasman e’lon qildi. Ro‘yxatdan yarim himoyachi Kobbi Maynu ham joy oldi.

Bosh murabbiy Tomas Tuxel futbolchining jahon chempionatidagi maqomi bo‘yicha avval qabul qilingan qarorlar uchun mas’uliyatni o‘z zimmasiga oldi.

«U jahon chempionatida hech qanday xato qilmadi. Bu to‘liq mening qarorim edi.

U o‘zini juda munosib tutdi va mashg‘ulotlarda ham yuqori saviyada ishladi. Bu katta musobaqa edi, ammo baribir javobgarlik menda», — dedi Tuxel.

Angliya termasi bosh murabbiyi Maynuning yaqin uchrashuvlarda maydonga tushishi mumkinligini ham ta’kidladi.

«U maydonga tushishini kutyapman. Buni ta’minlash — mening vazifam», — dedi Tuxel.