«Barselona» vingeri Lamin Yamal Serxio Buskets unga jiddiy saboq bergan voqeani esladi.
"Bir kuni yoshligimizda qandaydir ahmoqona ish qilib qo‘yganimiz uchun terma jamoadan uch haftaga chetlatildim. Keyin asosiy jamoa mashg‘ulotiga borganimda, Buskets meni ushlab: «Terma jamoada nima qilding?» deb so‘radi.
U juda jiddiy edi. Men hali bola edim va rostini aytsam, qo‘rqib ketdim. Nima bo‘lganini unga aytib berdim. Shunda u: «Endi sen «Barselona»dasan. Hamma seni taniydi. Qanchalik yaxshi futbolchi bo‘lishingdan qat’i nazar, o‘zingni qanday tutishni bilishing kerak», dedi.
Shu voqeadan keyin hayotimni butunlay o‘zgartirdim va o‘zimni futbolga bag‘ishladim. Hech qayerga chiqmay qo‘ydim. Mashg‘ulot qildim, futbol o‘ynadim, dam oldim va onamnikiga bordim. Bor e’tiborimni futbolga qaratdim. Faqat futbol, futbol va yana futbol, — dedi Yamal.
