«Барселона» вингери Ламин Ямаль Серхио Бускетс унга жиддий сабоқ берган воқеани эслади.
"Бир куни ёшлигимизда қандайдир аҳмоқона иш қилиб қўйганимиз учун терма жамоадан уч ҳафтага четлатилдим. Кейин асосий жамоа машғулотига борганимда, Бускетс мени ушлаб: «Терма жамоада нима қилдинг?» деб сўради.
У жуда жиддий эди. Мен ҳали бола эдим ва ростини айтсам, қўрқиб кетдим. Нима бўлганини унга айтиб бердим. Шунда у: «Энди сен «Барселона»дасан. Ҳамма сени танийди. Қанчалик яхши футболчи бўлишингдан қатъи назар, ўзингни қандай тутишни билишинг керак», деди.
Шу воқеадан кейин ҳаётимни бутунлай ўзгартирдим ва ўзимни футболга бағишладим. Ҳеч қаерга чиқмай қўйдим. Машғулот қилдим, футбол ўйнадим, дам олдим ва онамникига бордим. Бор эътиборимни футболга қаратдим. Фақат футбол, футбол ва яна футбол, — деди Ямаль.
