Angliya terma jamoasi bosh murabbiyi Tomas Tuxel Koul Palmer va Trent Aleksander-Arnoldning milliy jamoaga chaqirilishi haqida fikr bildirdi.

"Koul yana yaxshi statistika ko‘rsatmoqda, golli uzatmalar va hal qiluvchi gollar qayd etyapti. Uning isbotlashi kerak bo‘lgan jihatlari bor. Trentga ham xuddi shu gap tegishli.

Ular terma jamoa yig‘iniga kelib, o‘zlarining eng yaxshi versiyasini ko‘rsatishi kerak", — dedi Tuxel.

Murabbiydan Trentdan nimani kutayotgani so‘ralganda, u quyidagicha javob berdi:

"U o‘zini ko‘rsatishi kerak. Bor gap shu. U jahon chempionatida biz bilan emasdi, biz boshqa futbolchilarga ishonch bildirdik. Men hali ham o‘sha qarorimni himoya qilishga tayyorman.

Endi uning tarkibdan joy olish uchun kurashish vaqti keldi. Uning isbotlashi kerak bo‘lgan jihatlari bor. Yig‘in uzoq davom etadi va ishonchim komilki, u o‘zini ko‘rsata oladi.

Terma jamoaga chaqirilish va unga qaytish uchun yo‘llanma olish — bir masala. Angliya terma jamoasi safida maydonga tushish esa butunlay boshqa masala.

Futbolchilar endi jamoaga qaytganidan so‘ng o‘zini isbotlashi va tarkibdagi o‘rnini mustahkamlab olishi kerak", — dedi Tuxel.