Англия терма жамоаси бош мураббийи Томас Тухель Коул Палмер ва Трент Александер-Арнольднинг миллий жамоага чақирилиши ҳақида фикр билдирди.

"Коул яна яхши статистика кўрсатмоқда, голли узатмалар ва ҳал қилувчи голлар қайд этяпти. Унинг исботлаши керак бўлган жиҳатлари бор. Трентга ҳам худди шу гап тегишли.

Улар терма жамоа йиғинига келиб, ўзларининг энг яхши версиясини кўрсатиши керак", — деди Тухель.

Мураббийдан Трентдан нимани кутаётгани сўралганда, у қуйидагича жавоб берди:

"У ўзини кўрсатиши керак. Бор гап шу. У жаҳон чемпионатида биз билан эмасди, биз бошқа футболчиларга ишонч билдирдик. Мен ҳали ҳам ўша қароримни ҳимоя қилишга тайёрман.

Энди унинг таркибдан жой олиш учун курашиш вақти келди. Унинг исботлаши керак бўлган жиҳатлари бор. Йиғин узоқ давом этади ва ишончим комилки, у ўзини кўрсата олади.

Терма жамоага чақирилиш ва унга қайтиш учун йўлланма олиш — бир масала. Англия терма жамоаси сафида майдонга тушиш эса бутунлай бошқа масала.

Футболчилар энди жамоага қайтганидан сўнг ўзини исботлаши ва таркибдаги ўрнини мустаҳкамлаб олиши керак", — деди Тухель.