«Monako» bosh murabbiyi Filipe Luis Fransiya chempionatining 5-turida «Lans» ustidan qozonilgan g‘alabadan (2:1) so‘ng rossiyalik yarim himoyachi Aleksandr Golovinning o‘yinini alohida e’tirof etdi.

«Biz doimo to‘pni nazorat qilishga, pressing uyushtirishga va imkon qadar agressiv harakat qilishga intilamiz. Ammo ba’zida raqibning saviyasi sizni ortga chekinib, past blokda himoyalanishga majbur qiladi. Shu bilan birga, samaradorligimiz hujumda xavfli futbolchilarimiz ko‘pligi bilan bog‘liq.

Mattis Ablen bugun juda faol bo‘ldi, u doimo bo‘sh hududlarga yorib kirdi. Paris Bryunner esa yana ajoyib o‘yin ko‘rsatdi: to‘p uchun kurashdi, bo‘sh hududlarga ochildi, pressing va himoyada o‘zini ayamadi.

Shuningdek, Golovinni ham alohida ta’kidlamoqchiman. Bugun men uni ma’lum ma’noda «qurbon qildim» — qanotga qo‘ydim va undan himoyada ishlash hamda juda ko‘p yugurishni talab qildim. Kecha unga bu haqda aytganimda, u jamoa uchun bor kuchini berishini aytdi.

Bu qariyb to‘qqiz yildan beri shu yerda o‘ynab kelayotgan va jamoa manfaati uchun ulkan mehnat qilayotgan pleymeykerimiz tomonidan ko‘rsatilgan katta o‘rnak va kuchli signal. Agar u buni qila olsa, demak, har kim qila oladi! Har holda, u meni juda faxrlantirdi», — deya Luisning so‘zlarini klub rasmiy sayti keltirdi.

«Monako» 13 ochko jamg‘arib, Liga 1 turnir jadvalida birinchi o‘ringa ko‘tarildi. 4 ochkoga ega «Lans» esa o‘ninchi pog‘onada bormoqda.