Italiyaning «Roma» klubi asosiy darvozaboni Mile Svilar o‘z ishidagi eng qiyin jihat haqida gapirdi. Uning aytishicha, o‘yin uning darvozasidan uzoqda kechayotgan paytda ham diqqatni yo‘qotmaslik eng muhim vazifalardan biri hisoblanadi.
«Ishimdagi eng qiyin narsa nima ekanini bilasizmi? Hech narsa qilmayotgan paytim. To‘g‘rirog‘i, hamma meni hech narsa qilmayapti deb o‘ylaydigan payt», — deya Svilarning so‘zlarini derbyderbyderby.it keltirdi.
Eslatib o‘tamiz, Mile Svilar 2022 yildan buyon «Roma» sharafini himoya qilib kelmoqda. U ikki fuqarolikka ega — tug‘ilgan mamlakati Belgiya va tarixiy vatani Serbiya.
