Argentinalik mashhur sobiq futbolchi Serxio Aguero Krishtianu Ronalduning faoliyatida 1000 ta gol urish maqsadi haqida fikr bildirdi.

Ayni paytda «An-Nasr» safida to‘p surayotgan 41 yoshli portugaliyalik futbolchi hisobida 979 ta gol bor.

«Ronaldu yana qancha vaqt futbol o‘ynashini bilmayman, ammo unga atigi 21 ta gol qoldi. Menimcha, u bu natijaga albatta erisha oladi. Mavsum tugagach, faoliyatini davom ettiradimi-yo‘qmi, rejalari qanday — buni bilmayman.

Gol urish unchalik oson emas, ammo u doimiy ravishda buni uddalab kelyapti. Bu jihatdan Ronaldu Leo Messiga o‘xshaydi — u maydonda bo‘lsa, gol urish ehtimoli doimo yuqori bo‘ladi. Agar yana bir mavsum qolsa, menimcha, 1000-golga yetadi», — deya Agueroning so‘zlarini Al Nassr Zone keltirdi.

Krishtianu Ronaldu joriy mavsumda 7 ta o‘yin o‘tkazib, 3 ta gol urgan.