«Manchester Siti»ning sobiq hujumchisi Serxio Aguero «Chelsi»ning istiqbollari va klubning transfer siyosati haqida fikr bildirdi.

«Menimcha, Alonso uchun oson bo‘lmaydi. Chempionlik va Chempionlar ligasi yo‘llanmalari uchun kurashayotgan jamoalar juda ko‘p.

Avval «Chelsi» o‘z futbolchilarini saqlab qolishga harakat qilardi, hozir esa klub doimiy ravishda o‘yinchilarni sotib olyapti va sotyapti. Bu vaziyatni yanada murakkablashtiradi.

Men «Manchester Siti»da o‘ynagan paytlarda klub doimo yetakchi futbolchilarni saqlab qolish va tarkibni yanada kuchaytirishga harakat qilardi», — deya Agueroning so‘zlarini Stake Football keltirdi.

Xabi Alonso o‘tgan yozda «Chelsi» bosh murabbiyiga aylangan edi. So‘nggi transfer oynasida London klubi futbolchilar sotuvidan 450 million yevro ishladi va yangi transferlarga qariyb 400 million yevro sarfladi.

Angliya Premyer-ligasining dastlabki besh turidan so‘ng «Chelsi» 7 ochko jamg‘arib, turnir jadvalida 7-o‘rinni egallab turibdi.