«Манчестер Сити»нинг собиқ ҳужумчиси Серхио Агуэро «Челси»нинг истиқболлари ва клубнинг трансфер сиёсати ҳақида фикр билдирди.

«Менимча, Алонсо учун осон бўлмайди. Чемпионлик ва Чемпионлар лигаси йўлланмалари учун курашаётган жамоалар жуда кўп.

Аввал «Челси» ўз футболчиларини сақлаб қолишга ҳаракат қиларди, ҳозир эса клуб доимий равишда ўйинчиларни сотиб оляпти ва сотяпти. Бу вазиятни янада мураккаблаштиради.

Мен «Манчестер Сити»да ўйнаган пайтларда клуб доимо етакчи футболчиларни сақлаб қолиш ва таркибни янада кучайтиришга ҳаракат қиларди», — дея Агуэронинг сўзларини Stake Football келтирди.

Хаби Алонсо ўтган ёзда «Челси» бош мураббийига айланган эди. Сўнгги трансфер ойнасида Лондон клуби футболчилар сотувидан 450 миллион евро ишлади ва янги трансферларга қарийб 400 миллион евро сарфлади.

Англия Премьер-лигасининг дастлабки беш туридан сўнг «Челси» 7 очко жамғариб, турнир жадвалида 7-ўринни эгаллаб турибди.