«Barselona» hujumchisi Rafinya Dias yangi mavsum boshida o‘zidan bunday ajoyib o‘yin kutmaganini tan oldi.

Eslatib o‘tamiz, chempionat boshidan beri braziliyalik futbolchi ilgari qanotda harakat qilgan bo‘lsa-da, endilikda hujumchi pozisiyasida o‘ynamoqda.

«Ushbu pozisiyada o‘zimni bunchalik qulay his qilishimni xayolimga ham keltirmagan edim. Agar murabbiyga faqat o‘zimning jonajon pozisiyamda o‘ynayman deganimda, maydonga tushmagan bo‘lardim. Shu sababli moslashishimga to‘g‘ri kelmoqda», — dedi Rafinya RAC1 nashriga bergan intervyusida.

Joriy mavsumning yettita o‘yinida Rafinya barcha turnirlarni inobatga olganda 11 ta gol urdi va o‘z hisobiga uchta golli uzatmani yozib qo‘ydi.