"Tottenxem" muxlislari jamoaning natijalaridan norozi.

Shanba kuni "shporlar" o‘z maydonida "Aston Villa"ga 2:3 hisobida mag‘lub bo‘lib, muxlislarini yana xafa qildi. Londonliklar avval uchta gol o‘tkazib yubordi va faqat uchrashuv yakuniga yaqin ikki bor javob qaytarishga muvaffaq bo‘ldi.

Hisob 0:3 ko‘rinishiga kelganidan so‘ng muxlislar ommaviy ravishda stadionni tark eta boshladi. O‘yinning 84-daqiqasida olingan kadrlarda arenadan tashqarida uchrashuv tugamasidan uyiga yo‘l olgan ko‘plab muxlislarni ko‘rish mumkin edi.

Stadionda qolgan muxlislar esa bosh murabbiy Roberto De Dzerbiga qarshi norozilik bildirdi. Tribunalardan italiyalik mutaxassisni lavozimidan ozod etishga chaqiriqlar yangradi.

"Tottenxem" Premyer-ligada 2 ochko bilan turnir jadvalining 18-o‘rnida bormoqda.