"Arsenal" Angliya Premyer-ligasining 5-turida "Brayton"ga qarshi o‘yinda raqibidan kamroq zarba yo‘lladi.
Mikel Arteta jamoasi "Falmer" stadionida Fabian Xyurseler shogirdlariga 0:3 hisobida mag‘lub bo‘ldi.
Uchrashuv davomida "Arsenal" raqib darvozasi tomon 11 marta zarba bergan bo‘lsa, "Brayton" bu ko‘rsatkich bo‘yicha 17 ta zarba qayd etdi. Darvoza sohasiga aniq yo‘llangan zarbalarda ham mezbonlar ustunlik qildi — 5:2.
Shu bilan birga, "Arsenal" to‘pga ko‘proq egalik qildi — 59 foiz. Londonliklar burchak zarbalari bo‘yicha ham ustun bo‘ldi — 6:5.
Qoidabuzarliklar sonida esa "Arsenal" kamroq fol ishladi: Arteta jamoasida 10 ta, "Brayton"da esa 13 ta qoidabuzarlik qayd etildi.
