"Арсенал" Англия Премьер-лигасининг 5-турида "Брайтон"га қарши ўйинда рақибидан камроқ зарба йўллади.

Микель Артета жамоаси "Фалмер" стадионида Фабиан Хюрцелер шогирдларига 0:3 ҳисобида мағлуб бўлди.

Учрашув давомида "Арсенал" рақиб дарвозаси томон 11 марта зарба берган бўлса, "Брайтон" бу кўрсаткич бўйича 17 та зарба қайд этди. Дарвоза соҳасига аниқ йўлланган зарбаларда ҳам мезбонлар устунлик қилди — 5:2.

Шу билан бирга, "Арсенал" тўпга кўпроқ эгалик қилди — 59 фоиз. Лондонликлар бурчак зарбалари бўйича ҳам устун бўлди — 6:5.

Қоидабузарликлар сонида эса "Арсенал" камроқ фол ишлади: Артета жамоасида 10 та, "Брайтон"да эса 13 та қоидабузарлик қайд этилди.