«Barselona» himoyachisi Andreas Kristensen La Liganing 7-turida «Sevilya»ga qarshi o‘yinda jarohat sabab majburan almashtirildi. Kataloniyaliklar ushbu bahsda 3:1 hisobida g‘alaba qozondi.
Daniyalik futbolchi ikkinchi bo‘lim o‘rtalarida jarohat oldi va o‘yinni davom ettira olmadi. Kristensen uchrashuvda Rafinyaning goliga assist ham qayd etgan edi.
Almashtirilgandan so‘ng Kristensenning kayfiyati tushkun edi — u zaxira o‘rindig‘ida yuzini qo‘llari bilan berkitib o‘tirdi.
Eslatib o‘tamiz, daniyalik himoyachi jarohatlar sabab o‘tgan mavsumning ikkinchi yarmining deyarli barchasini o‘tkazib yuborgan edi.
